Дербес деректерді жинауға және өңдеуге келісім

Осымен мен (бұдан әрі — «Дербес деректер субъектісі»), Қазақстан Республикасының 2013 жылғы 21 мамырдағы № 94-V «Дербес деректер және оларды қорғау туралы» Заңын басшылыққа ала отырып, «Инжинириум» ЖШС-не (БСН 260440011626) (бұдан әрі — «Оператор»), өзімнің дербес деректерімді жинауға, өңдеуге және трансшекаралық тасымалдауға сөзсіз келісімімді беремін және өз еркіммен әрі өз мүддемде әрекет ететінімді растаймын.

1. Деректер тізбесі

Дербес деректер ретінде мен өзіме қатысты кез келген ақпаратты түсінемін: ЖСН, тегі, аты, әкесінің аты, байланыс деректері (телефон, электрондық пошта, пошта мекенжайы), жеке басты куәландыратын құжат деректері, пайдаланушы деректері (IP-мекенжай, орналасқан жері, cookies файлдары).

Кәмелетке толмаған тұлғаның заңды өкілі бола отырып, мен баланың деректерін: ЖСН, ТАӘ, туу туралы куәлік/төлқұжат деректері, фото және бейнематериалдар, жасы мен қызығушылықтарын өңдеуге келісім беремін.

2. Өңдеу мақсаттары

Келісім білім беру және консультациялық қызметтерді алу, Оператордың деректер базаларында тіркелу, ақпараттық және жарнамалық хабарламалар алу, іс-шараларға шақырулар алу, сондай-ақ менімен байланысу мақсатында беріледі.

3. Деректермен жасалатын әрекеттер

Мен деректерді жинауға, жазуға, жүйелеуге, жинақтауға, сақтауға, нақтылауға, пайдалануға, беруге, иесіздендіруге, бұғаттауға және жоюға келісім беремін. Жинау және бастапқы сақтау Қазақстан Республикасындағы серверлерде жүзеге асырылады.

4. Трансшекаралық тасымалдау және үшінші тұлғалар

Мен шарттарды орындау мақсатында Оператордың үлестес тұлғалары мен серіктестері одан әрі өңдеуі үшін өзімнің дербес деректерімді және баламның деректерін Ресей Федерациясының аумағына трансшекаралық тасымалдауға тікелей жазбаша келісім беремін. Мұндай тұлғалардың қатарына, атап айтқанда, РФ-дағы білім беру және техникалық серіктестер жатуы мүмкін:

• Н.Э. Бауман атындағы ММТУ (СБН 7701002520, МТТН 1027739051779, Мәскеу қ.);
• «Н.Э. Бауман атындағы ММТУ ЖАО» ЖШҚ (СБН 7701415302, МТТН 5147746379523, Мәскеу қ.) және өзге де мердігерлер.

5. Қолданылу мерзімі және қайтарып алу

Осы келісім өңдеу мақсаттарына жеткенге дейін немесе оны жазбаша қайтарып алғанға дейін мерзімсіз қолданылады. Келісім Оператордың заңды мекенжайына жазбаша өтініш жіберу арқылы қайтарып алынуы мүмкін.